ឆ្នាំថ្មី ចូលរស់នៅក្នុងគេហដ្ឋានថ្មីជាមួយអត្រាបង់រំលស់ថ្មី កាន់តែងាយស្រួល ពីក្រុមហ៊ុន Orkidé Development នៅតម្លៃត្រឹម 999$/ខែ ជាមួយផ្ទះអាជីវកម្ម និង ជាង1200$/ខែ សម្រាប់វីឡាភ្លោះ ទាំង២ទីតាំង!

13 Jan 2023

(ភ្នំពេញ)៖ ជាមួយគោលបំណងដើម្បីសម្រេចក្តីស្រមៃ ពលរដ្ឋកម្ពុជា ដែលចង់រស់នៅក្នុងគេហដ្ឋានប្រណិតបែបស៉ីវីល័យ ក៏ដូចជាគេហដ្ឋានដែលអាចរស់នៅផង និង ប្រកបអាជីវកម្មបានផង ក្នុងគម្រោង អ័រគីដេ ក្រុមហ៊ុន អភិវឌ្ឍន៍លំនៅដ្ឋាន ដ៏ធំជាងគេបំផុតមួយនេះ បានប្រកាសផ្តល់ជូននូវចំនួនទឹកប្រាក់នៃការចាប់ផ្តើមបង់រំលស់កាន់តែងាយស្រួលនាឱកាសចូលឆ្នាំថ្មី ប្រពៃណីចិននេះ ដោយចាប់ផ្តើមត្រឹមតែ 999$/ខែ សម្រាប់ផ្ទះអាជីវកម្ម រីឯផ្ទះវីឡាភ្លោះ ចាប់ផ្តើមបង់ត្រឹមតែជាង 1200$/ខែ តែប៉ុណ្ណោះ ហើយការបង់រំលស់នេះ នឹងមិនគិតការប្រាក់រយៈពេលរហូតទៅដល់ជិត ២ឆ្នាំឯណោះ។

លោក គ្រួច សុភត្ត្រា នាយកចាត់ការទូរទៅនៃក្រុមហ៊ុន អ័រគីដេ បានថ្លែងថា «ការបំពេញក្តីស្រមៃ ជូនពលរដ្ឋកម្ពុជា ទោះបានក្នុងកម្រិតណា ក៏វាគឺជាមោទនភាពមួយសម្រាប់ការវិនិយោគពីក្រុមប្រឹក្សាភិបាលផងដែរ ហើយក្រុមប្រឹក្សាភិបាលទាំងអស់ ក៏កំពុងសម្លឹងមើលនូវឱកាស ដែលអាចនាំក្តីស្រមៃ ពលរដ្ឋកម្ពុជា រាប់ពាន់ រាប់ម៉ឺនគ្រួសារថែមទៀត ឲ្យក្លាយជាការពិត ខណៈពេលដែលសេដ្ឋកិច្ចកម្ពុជា កំពុងតែបន្តកើនឡើងក្រោយកូវីដ១៩»។

លោកបញ្ជាក់ផងដែរថា ការផ្តល់ជូននេះ គឺសម្រាប់គ្រប់គម្រោងទាំងអស់របស់ អ័រគីដេ ដែលមាននៅតំបន់ពោធិ៍ចិនតុង ក្នុងសង្កាត់ភ្នំពេញថ្មី លើផ្លូវ 105K និង តំបន់ខណ្ឌជ្រោយចង្វារលើផ្លូវជាតិ 6A រួមជាមួយខនដូអ័រគីដេ នៅលើផ្លូវ 2004 ផងដែរ។

លើសពីនេះទៀត សម្រាប់ការកក់យកគេហដ្ឋានណាមួយក្នុង គម្រោងអ័រគីដេ ចាប់ពីថ្ងៃនេះ រហូតដល់ថ្ងៃទី១កម្ភៈ លោកលោកស្រីក៏នឹងទទួលបានអាំងប៉ាវដែលមានទឹកប្រាក់អាចរហូតទៅដល់ 3000$ ផងដែរ។

គ្រប់គម្រោងទាំងអស់ ក៏អនុញ្ញាតឲ្យអតិថិជន អាចចូលរស់នៅបានផងដែរ ក្រោយរំលស់បាន ឬបង់ 10% នៃតម្លៃផ្ទះ រីឯចំនួនទឹកប្រាក់ដែលនៅសល់ ក៏ត្រូវបានអនុញ្ញាតឲ្យបង់រំលស់បានក្នុងរយៈពេលយូរដោយគ្មានការប្រាក់ផងដែរ។

សូមបញ្ជាក់ផងដែរថា ផ្ទះអាជីវកម្ម អ័រគីដេ មានកម្ពស់ ៣ជាន់ ទៅ ៣ជាន់កន្លះ ជាមួយទំហំស្តង់ដារសម្រាប់អាជីវកម្មគ្រប់ប្រភេទទាំងអស់ ហើយទីតាំងស្ថិតនៅលើផ្លូវរដ្ឋក៏មាន ផ្លូវធំក្នុងបុរីក៏មាន ហ៊ុមព័ទ្ធដោយទីប្រជុំជន កុះករ ងាយស្រួលប្រកបអាជីវកម្ម រីឯវីឡាភ្លោះ មានច្រើនប្រភេទ ជាមួយនឹងទំហំ និង តម្លៃផ្សេងៗគ្នា ទាំងគម្រោង អ័រគីដេ ដឹពោធិ៍ចិនតុង និង អ័រគីដេ ដឹ បូតានិចស៉ីធី ជ្រោយចង្វារ និងសំណង់គេហដ្ឋាន សាងសង់រួចជាស្រេច។